Arquivo da categoría: Información xeral

Marcos Suárez, nomeado candidato á alcaldía de Moraña polo BNG

Marcos, elixido por unanimidade na asemblea local do BNG, presentou publicamente esta mañá a súa candidatura acompañado de varias/os compañeiros/as da agrupación local da organización, ademais do responsábel comarcal do BNG Demetrio Gómez.

🔹O xa cabeza de lista do BNG afirmou que asume este reto “con máis ilusións e gañas ca nunca” xa que quere “seguir traballando pola veciñanza do noso concello e contribuír a recuperar a nosa autoestima e o orgullo de sermos de Moraña”.

🔊 Marcos Suárez fixo un chamamento a todas as persoas “que non se resignan e conforman coa Moraña triste, rutineira e a remolque que nos ofrece o Partido Popular” a sumarse ao proxecto do BNG. “Quero que saiban que en nós terán a alternativa necesaria para construír con ideas propias e avanzadas unha Moraña moderna, diferente, con perspectiva de futuro e viva”.

Vídeo da presentación: : https://m.youtube.com/watch?v=1Fms1jbd2VU

Comunicado conxunto BNG e PSdG Moraña

🔴🔴[IMPORTANTE]: COMUNICADO CONXUNTO DO BNG E DO PSdG-PSOE DE MORAÑA:

🔶Ante a falta de pediatra no Centro de Saúde de Moraña desde o mes de outubro, e despois de que o Sergas e a Alcaldesa de Moraña sigan a día de hoxe sen dar unha solución a este servizo, anunciamos:

1️⃣. Que desde o BNG e PSdG-PSOE lamentamos as explicacións dadas polo Xerente do CHOP e a Alcaldesa de Moraña o pasado 29 de novembro en Moraña, e critican as falsas expectativas que xeraron ante os usuarios por dúas veces ao trasladar que no mes de
novembro quedaría o servizo cuberto, a pesares de que sabían desde o principio que non ían solucionar o problema.
2️⃣. Que no BNG e PSdG-PSOE apoiamos e asistiremos á marcha-concentración convocada por todos os grupos políticos da Corporación Municipal de Cuntis para mañá,
mércores 5, ás 20h e que partirá do Centro de Saúde de Cuntis, dado que a praza de pediatría é compartida entre os centros de saúde de ambolos dous concellos.
3️⃣. Que desde BNG e PSdG-PSOE animamos e facemos unha chamamento a toda a veciñanza de Moraña a acudir á citada marcha-concentración, para amosar deste xeito aos responsables da xestión sanitaria e ante o Goberno Municipal de Moraña a disconformidade coa situación creada, e reinvidicar unha solución inmediata.

Moraña, 4 de decembro de 2018

O BNG demanda a restitución dos recortes producidos no centro de saúde

O BNG vén de entregar no rexistro do concello unha moción na que denuncia os recortes provocados pola Xunta de Feijóo no centro de saúde de Moraña e demanda a restitución dun posto de traballo amortizado nos últimos mesesO BNG de Moraña considera moi negativos os recortes producidos polo Servizo galego de saúde e permitidos sen ningún tipo de discrepancia pública polo goberno municipal do PP, do mesmo cor que a Consellaría. Ademais, ve con preocupación o desmantelamento que se está aplicar aos servizos no Centro de Saúde, pois a praza de matrona non se atopa en Moraña, a praza de celador non se cubre, e o servizo de pediatría é compartido con outro Centro de Saúde.

A este respecto, os concelleiros do grupo municipal denuncian que unha praza de celador do devandito centro non se cubre dende que se producira a vacante por xubilación da mesma, hai xa varios meses, o que conleva un evidente empeoramento do servizo asistencial e eivas no apartado das funcións administrativas do centro. Ademais, o BNG puido comprobar a relación de servizos que o SERGAS ofrece no centro de saúde de Moraña, onde citan tamén un posto de pediatría, cuestión que tampouco se cumpre a día de hoxe, posto que Moraña non conta cun servizo de pediatría a tempo completo, cuestión perfectamente coñecida e sufrida polo conxunto da veciñanza.

O BNG manifesta a súa total oposición a este tipo de recortes en persoal e servizos e por iso traslada a situación do centro de saúde en forma de moción a todos os grupos e especialmente ao goberno municipal, que mantén unha inaceptable posición de non discrepancia e silencio con estes agravios en forma de recortes producidos pola Xunta de Galiza. O BNG solicita a restitución do posto de celador e a incorporación do servizo de pediatría a tempo completo e agarda a este respecto que todos os grupos municipais fagan unha fronte común na defensa da sanidade pública e dos servizos básicos da nosa veciñanza e ofrécese para iniciar e colaborar en todas as medidas de presión que sexan necesarias para conquerir a restitución destes recortes.

Moción presentada:

Catro propostas para a mocidade de Moraña (documento)

A mocidade foi e continúa ser un colectivo habitualmente esquecido e de pouco peso específico históricamente nas decisións e accións dos diferentes gobernos municipais. Para nós sodes un colectivo imprescindíbel e fundamental no noso concello ao que debemos darlle iniciativa e ferramentas para que actuedes como eixo e motor da Moraña que queremos construír.  É por isto polo que vos convocaramos o pasado 18 de novembro , e daquela asemblea saíron consensuadas estas propostas que imos defender  nos vindeiros plenos municipais:

CONSULTA  aquí as 4 propostas do BNG para a mocidade de Moraña

Rubén Fernández Monteagudo, reelixido responsábel local do BNG

O BNG-Moraña realizou este pasado sábado a súa asemblea local no seu local de Santa Lucía na que tomaron parte militantes e simpatizantes da organización. Nela a anterior dirección expuxo o balance de traballo realizado durante o ano 2016 e produciuse un intenso e produtivo debate arredor das liñas  e estratexias de traballo a seguir durante os vindeiros meses.

Ademais, a asemblea local reelixiu  por unanimidade a Rubén Fernández Monteagudo, veciño de Santa Lucía, (Saiáns) de 31 anos, como responsábel local. A dirección da organización nacionalista completouse coa elección dous vice-responsábeis locais: Susana Fuentes, de 46 anos veciña de Laxe e Diego Oliveira, mozo de 25 anos  veciño de Rebón.

 

En palabras de Rubén Fernández,     os dous obxectivos da dirección da organización para os vindeiros meses son, por unha parte, “visualizar, poñer en positivo ante os veciños que o BNG continúa máis activo ca nunca, atento, preocupado e listo para dar alternativas aos seus problemas,  isto é, achegarse máis a carón dos colectivos sociais e veciñais e a tódalas parroquias para non só escoitar aos nosos veciños/as senón entendelos”. Ademais Rubén Fernández  afirmou ante a asemblea o obxectivo de fortalecer internamente a organización impulsando unha maior  participación dos militantes e simpatizantes e sumar ao traballo diario do BNG de Moraña a toda a xente, en especial á xente moza que se está achegando e que xa fai parte hoxe mesmo desta asemblea.

O responsábel local do BNG  tamén afirmou que a organización está no bo camiño” e apóiase nesta tese grazas á comprobación sobre a asistencia á mesma asemblea local pero tamén á “sinal continúa de molestia pero tamén referencia para o PP de Moraña sobre o resto da oposición a respecto  do noso traballo. Molestámoslle, somos a súa referencia na oposición, só hai que ver todas as súas declaracións, entrevistas, desenvolvemento dos plenos e incluso certas actitudes, e ese recoñecemento é implicitamente sinal inequívoca de que estamos na boa liña” asegurou Rubén Fernández.

Rubén Fernández, novo responsábel local do BNG-Moraña

O BNG de Moraña vén de renovar o seu Consello Local nunha asemblea celebrada pasado sábado 22 e que conclúe a renovación de cargos iniciada coa XV Asembl13095825_601667013316562_5093917564162634900_nea Nacional, onde por unanimidade se escolleu a proposta presentada pol@s compañeir@s, encabezada por Rubén Fernández Monteagudo.

Ademais, os militantes BNG de Moraña escolleron ás persoas que acompañarán a Rubén no grupo de traballo da dirección da formación na nosa localidade: Susana Fuentes, Diego Oliveira, Mariña Búa e Enrique Fernández, que traballarán en coordinación cos nosos concelleiros Marcos Suárez e Eva Villaverde.

Rubén Fernández é veciño de Santa Lucía onde naceu hai trinta anos, e é mestre no ensino primario, traballando actualmente na CIG-ENSINO, organización sindical maioritaria do ensino público galego. Rubén participa como acordeonista de diversos proxectos musicais na actualidade e tamén colabora dende hai anos no tecido asociativo do Concello, entre outras na Asoc. Cultural Chinguilipé. Fai parte, ademais, da dirección da Escola Municipal de Música.

A nova dirección do BNG-Moraña quere revitalizar á organización local e achegar máis persoas a participar da súa actividade política local. Segundo o novo responsable local, “Queremos ser unha ferramenta para a participación da veciñanza nas decisión políticas” e amosan a súa disposición “a recibir propostas de persoas e colectivos” para as cales iniciarán nas vindeiras semanas roldas de contactos e asambleas abertas para, ademais “informar da súa posición política en diferentes temas de actualidade do noso concello”. Ademais, dende o Consello local inciden na disposición á contribución de que o BNG sexa “unha peza clave na derrota do PP nas vindeiras eleccións autonómicas e estatais”.

O BNG esixe a dimisión inmediata do tenente da Alcaldesa Jorge Caldas

Jorge Caldas, 1º Tenente da Alcaldesa de Moraña e concelleiro do PP, chamálle “mala zorra” nas redes sociais á Presidenta da Deputación de Pontevedra.

 

Martes, 2 de febreiro de 2016.-

Foi o pasado venres, despois do Pleno Provincial, cando uns comentarios totalmente denigrantes e pexorativos dun simpatizante do PP en facebook dirixidos á Presidenta da Deputación, provocaron a complicidade primeiro e as posteriores insultos sexistas de Jorge Caldas,  concelleiro do PP, cara a Carmela Silva nos termos de “mala zorra e sinvergüenza”.b5845d8b-7a1d-4471-aaae-e8948a4e80e5

A expresión machista que Jorge Caldas Domínguez, concelleiro do PP en Moraña e candidato ao Congreso dos Deputados do PP por Pontevedra, so pode definirse como inadmisible, intolerable e vergoñenta.

O BNG considera especialmente grave que un representante público realice un insulto sexista deste calado que atenta, non só contra un cargo público polo simple feito de ser muller, senón tamén contra a dignidade de todas as mulleres.0001 (7)

Estas condutas machistas non poden ter cabida en ningún espazo da sociedade e moito menos saír dun representante político que ten a obriga e responsabilidade de manter un compromiso activo na loita pola igualdade.

O portavoz municipal, Marcos Suárez, deixa claro que “Desde o BNG consideramos que o PP de Moraña e a Alcaldesa teñen que depurar responsabilidades políticas de inmediato, pois esta persoa non pode seguir nin un minuto máis ostentando a representación institucional dos homes e tamén das mulleres deste Concello. Son uns insultos inadmisibles e vergoñentos, á parte que reiterativas, o que dá mostra do carácter deste concelleiro e da permisividade do PP con comportamentos machistas deste calibre”.

En consecuencia, o BNG considera que se o PP, e nomeadamente a Alcaldesa de Moraña, non o cesan inmediatamente do goberno municipal e esixen a súa dimisión como concelleiro da Corporación Municipal, estará avalando e sendo cómplice dos seus comportamentos machistas.