Arquivo da categoría: Información xeral

O noso voceiro Marcos Suárez, nas listas de NÓS-CANDIDATURA GALEGA

Veñen de presentarse as listas de NÓS-CANDIDATURA GALEGA para as eleccións do 20 de decembro. A candidatura NÓS nace despois dun longo proceso social para a construción dunha candidatura galega de unidade que tivese Galiza como único suxeito de referencia e un grupo parlamentario propio como obxectivo. Máis nada e, á vez, tanto. Para NÓS eran premisas irrenunciábeis, de lei, se a fin é que Galiza estea presente onde se toman decisións que tanto nos afectan. No camiño, con xenerosidade, fóron dándose pasos para o encontro. O BNG, a única forza á marxe do bipartidismo com representación en Madrid e que sempre concorreu ás eleccións con candidaturas de seu, manifestou desde o principio a disposición a renunciar á sigla propia para favorecer o proceso de unidade. O esforzo honesto que se fixo non foi correspondido por igual por todo o mundo, mais deixou á vista quen ten vontade de defender o país como único obxectivo e quen opta por subordinar Galiza a forzas estatais que marcan a súa folla de ruta. Mais na outra cara están todas aquelas persoas e organizacións (BNG, Coalición Galega, FOG, Partido Galeguista, PCPG) que decidiron sumar forzas en NÓS, que creron que o país merecía altura de miras e volveron estreitar as mans, a se encontrar no mesmo camiño, a sementar de novo ilusión porque, ben o sabemos, é moito o que está en xogo.

A deputada autonómica do BNG Carme Adán encabeza a lista por Pontevedra

12278650_508471129327278_3820379513531893745_n

 

A candidatura 100% galega, a única candidatura do País, NÓS-CANDIDATURA GALEGA tamén integra ao  noso compañeiro Marcos Suárez concretamente nas listas para Senado pola nosa provincia. Nesta ligazón podedes atopar a nosa candidatura ao congreso, e nesta ao Senado.  12278737_537743776375553_6583178185915441158_n

Adiante, coa forza do noso pobo!

Web: http://noscandidaturagalega.gal/

Facebook: Nós Candidatura Galega

Twitter: @noscgalega

#Gztenqueestar

Galería de imaxes do acto central en Santa Lucía

Deixámosvos imaxes do acto público central que celebramos o pasado sábado nunha ateigada, de novo,  casa de cultura castelao  e na que numerosas  persoas tiveron que quedarse de pé  e na porta  para escoitar as nosas propostas de goberno para os vindeiros catro anos. Neste acto interviron: Paula Calvo, Jose Luis Núñez, Javier Acevedo ,Mariña Búa, Rubén Fernández ,Eva Villaverde,  Guillerme Vázquez e o noso cabeza de lista Marcos Suárez. No acto, un acto aberto ao público, tamén quixo intervir un veciño, máis coñecido como “Cuadradillo”, intervención da que tamén deixamos constancia  nesta galería de imaxes:

 

 

ASINA para manter o noso rexistro civil gratuíto

Se es veciña/o de Moraña e estás en contra de que se privatice e desapareza do noso concello o rexistro civil,     PODES ASINAR AQUÍ

(Dentro da ligazón, no formulario, cubrides co voso nome, apelidos e documento de identidade, e ao final click no botón “enviar”)

 

Máis información:          Moción para o mantemento e gratuidade do rexistro civil

moción e recollida sinaturas R CIVIL-page0001 moción e recollida sinaturas R CIVIL-page0002

BNG-INFORMA explicativo arredor de que vai consistir a privatización do rexistro civil

panfleto_explicativo_REXISTRO_CIVIL

Xa tedes nas vosas casas un novo número do noso boletín municipal

Estes días estamos a repartir por tódalas casas  de tódolos lugares do noso concello un novo boletín municipal do BNG-MORAÑA. Neste  novo número afondamos en diversos temas nos que traballamos durante os últimos tempos dende o BNG como foi a problemática da Escola de Música, o tasazo de Sogama, o escándalo do despilfarro na rotonda da Chociña, a proposta de plan de mellora de infraestruturas viarias, ou o catastrazo. Tamén aproveitamos para presentarvos aos nosos cabezas de lista para as eleccións municipais do vindeiro mes de maio e rematamos cun artigo no que vos enumeramos todo o traballo feito durante o 2014 no plano máis institucional.

 

boletín moraña nº 6-febreiro 2015 web (1)-page-001boletín moraña nº 6-febreiro 2015 web (1)-page-002 (2)boletín moraña nº 6-febreiro 2015 web (1)-page-004
boletín moraña nº 6-febreiro 2015 web (1)-page-003

O PP de Moraña pretende asfaltar unha Carballeira no núcleo de Sta. Lucía

planocarballeirastalucia-page-001 (1)

 O pasado mes de xullo coñeciamos polos medios de comunicación que a Deputación de Pontevedra concedía 61.000 € ó Concello de Moraña para urbanizar e contruir aparcadoiros no contorno do Centro de Saúde de Santa Lucía.

Consultado o expediente da citada axuda e o correspondente proxecto atopámonos con que a actuación consiste no asfaltado directo da coñecida como Carballeira da Feira Vella.

O BNG considera esta actuación un despropósito e unha agresión directa a un entorno que entendemos precisa doutra actuación de recuperación e preservación polo seu valor medioambiental, paisaxístico e natural, ao tratarse dunha carballeira que mantén carballos en bo estado e de bo porte. Unha das poucas carballeiras integradas e próximas ao espazo urbano de Santa Lucía que precisa dunha protección absoluta e de cuidados exquisitos para manter este patrimonio ambiental que nos deixaron os nosos antepasados.

O PP de Moraña segue coa súa política de chapapote para todo, sen estudar outras alternativas ou posibilidades de actuación para un entorno como ó da Carballeira da Feira Vella. Lamentablemente esta é a política urbanística do PP, sen ideas, sen respecto polo medio ambiente, e sen reparo en tirar co asfalto polas carballeiras, mentres outros camiños seguen a manter unha deficiencias inaceptables.

O BNG considera necesario redifinir o proxecto e as actuacións a levar a cabo no entorno da Carballeira da Feira Vella, precisamente para non cair nos graves erros que xa se teñen cometido no noso concello ao asfaltar carballeiras e outros espazos de valor ambiental.

Alén disto, o BNG cuestiona esta actuación porque no PXOM vixente na zona na que se propón actuar está clasificada como ordenanza 5 (ZONA VERDE). Polo que entendemos non se pode admitir o asfaltado indiscriminado desta zona. Ademais non se pode pasar por alto que no PXOM aprobado inicialmente pola Corporación Municipal (co voto en contra do Grupo Municipal do BNG) incorporase a citada carballeira ao Solo Urbanizable non delimitado ( SUDN-01) para desenvolver no futuro, polo que dadas as circunstancias de trámite do PXOM sería unha actuación absolutamente irregular promovida polo propio Concello dado que a anuncio da aprobación do novo PXOM (DOG 3/2/2014) establece a suspensión de licenzas nos ámbitos en que as determinacións do novo planeamento supoñan modificación da ordenación urbanística vixente.

Ante esta circunstancia o BNG vai promover unha moción ante a Corporación Municipal do Concello de Moraña para instar ao goberno municipal para que rectifique a proposta de asfaltado da Carballeira que figura no proxecto e para que se estuden outras alternativas, ademais de solicitar un informe dos servizos municipais para que acrediten a cabida da actuación ao abeiro da normativa urbanística aplicable.

 

O PP propón un auténtico golpe de estado

A proposta do presidente do PP, Mariano Rajoy, de “elección directa de alcalde” implica “a negación do pluripartidismo coa intención de impoñer a ditadura da minoría fronte á maioría social que vota nas urnas a forzas políticas que poden pactar entre elas para gobernar un concello con total lexitimidade”, en palabras do portavoz nacional, Xavier Vence.

“A lista máis votada pode ser minoría nunha cámara cunha pluralidade de partidos e entón, con que apoios vai gobernar un alcalde que estea en minoría na cámara municipal?”, pregúntase Vence, quen lembra que o réxime electoral español non é presidencialista.

“Son as cámaras lexislativas e municipais as que elixen quen ocupa a Presidencia e quen ocupa a Alcaldía, tamén a través de pactos democráticos e lexítimos entre diferentes forzas políticas. Sería inconcibible que o PP cambiase unilateralmente este principio en beneficio propio”, alegou.

“O democrático é que o Alcalde e o goberno do Concello conte co respaldo da maioría social, sexa esta expresada a través dun ou en varios partidos”, afonda Vence. “O voto dunha persoa ten o mesmo valor, tanto se vai a lista máis votada como se vai a outras opcións que sumadas constitúen unha maioría social”, recalca Vence, quen salienta que chegar a pactos “é unha práctica non só democrática senón politicamente saudable”. (Ler máis)

CO BNG, GALIZA SEGUE PRESENTE NA UE. GRAZAS!!!!

[A pesar de tódalas trabas, censuras e demais o BNG CONSEGUÍU O SEU OBXECTIVO: levar de novo ao Parlamento Europeo á nosa deputada Ana Miranda]


Con respecto ao noso concello: o BNG colleitou 229 votos , o que constitúe un 13,15%, subindo máis de 3 puntos e 50 votos con respecto ás Europeas de 2009. En liñas xerais, os resultados  en Moraña foron especialmente positivos para o BNG xa que:
 

  • O BNG é o único partido que sube en porcentaxe e número de votos (un 20% máis con respecto ás eleccións de 2009) conseguindo un 13,15% de apoios subindo en máis de 5 puntos a media nacional do BNG.
  • Das 8 mesas electorais, subimos en número de votos en 6 de elas, o que consideramos como un gran resultado.
  • O PP e o PSOE sufren unha baixada significativa de votos e porcentaxe de apoio, que, se ben é certo que é menor no PP, non deixa de ser significativo que (no contexto actual) o Partido do goberno perda apoios entre @s veciñ@s. Pola súa banda, o PSOE colleita o peor resultado da súa historia no concello de Moraña.

 
Os resultados finais en Moraña foron (entre paréntese os resultados de 2009):
 
BNG: 229 (188)
PSOE: 415 (681)
PP: 776 (791)
AGE: 75
PODEMOS:  49
UPYD: 36
CxG: 23
EB: 16
Nulos: 78
Branco: 41
 
 
Moitísimas grazas, unha vez máis, ás 229 persoas que confiaron no BNG. Continuaremos traballando con máis intensidade e gañas, se cabe, por e para tod@s @s nos@sveciños.  Como ben podes comprobar, hai moito que facer polo noso concello,  así que actívate, non quedes na casa!:  contacta e colabora con nós. Por unha MORAÑA CON FUTURO!.

LEVEMOS DE NOVO A ANA MIRANDA A BRUXELAS. VOTA BNG!

Dende o BNG-MORAÑA queremos agradecer a tódalas persoas que vos achegastedes (en moi bo número) aos mitins de Amil e de Santa Lucía, e en xeral a boa acollida que tivo a nosa campaña de reparto e información en tódalas parroquias de Moraña para levar  de novo a Bruxelas a Ana Miranda.

VOTA BNG!

Agora queda o máis importante, votar o domingo, e votar por quen máis lles doe ós que nos rouban, aos ladróns, e ese voto non é outro que o do BNG!. 

VOTA BNG!

[SEMÁFOROS].-Unha vez máis o traballo do BNG dá os seus froitos

Unha vez máis o noso traballo da os seus froitos. Neste caso, e 48 horas despois de que dende o BNG-MORAÑA fixésemos pública a denuncia sobre o defectuoso estado dos semáforos do núcleo de Santa Lucía e solicitaramos con carácter de urxencia  ao goberno municipal o seu inmediato arranxo a Alcaldesa asegura na prensa (Faro de Vigo) que “se arreglarán esta semana”.

Na extensa lista de escusas coas que o goberno municipal do PP intenta tratarn@s como parv@s e esconder a súa falta de traballo e resolución dos problemas d@s veciñ@s podemos engadir dende hoxe unha nova, i é que a Alcaldesa dixo que “os técnicos municipais xa levan traballando nos semáforos UN MES e hoxe comezarán a reparalos”. Desta volta temos que escoitar que a responsabilidade é dos técnicos. É ben difícil de crer que se precisen 30 días para atopar un problema técnico, semella unha excusa para TAPAR que ela (Alcaldesa) e o seu GOBERNO estiveron un mes sen facer NADA a este respecto sabendo ademais o grao de perigosidade que conlevan os semáforos pechados neste cruce?.

Desgraciadamente, que a Alcaldesa e o seu goberno municipal fagan o seu traballo logo de que llo solicite o grupo municipal do BNG non é unha curiosa coincidencia, é un feito contrastado e denunciado por nós en varias ocasións. Esta é a realidade do goberno municipal de Moraña.