O PP rectifica e danos a razón a respecto das taxas da ESMU

Unha vez máis, o traballo do BNG de Moraña resulta efectivo e beneficioso para os veciños, neste caso para tod@s @s usuari@s da Escola Municipal de Música: 

No pasado 3 de outubro o Pleno da corporación municipal aprobaba unha moción do BNG na que se instaba ao goberno municipal a buscar unha solución para a impartición de clases individuais de instrumento, ou, de non ser posíbel, se aplicasen as taxas de xeito correcto e conforme ao establecido na ordenanza reguladora. Lembremos que o PP pretendía aplicar as taxas sen ter en conta o establecido na ordenanza en vigor.

Pois ben, meses despois o goberno municipal de Moraña rectifica e está a aplicar agora as taxas que o BNG defendeu en pleno como xustas, despois  de que este mesmo goberno modificase unilateralmente as condicións de impartición das clases de instrumento pasándoas a clases non individuais. Cómpre dicir que esta rectificación fíxose “ao caladiño”, sen informar aos pais e usuarios da Escola e mantendo sen cobrarlles as taxas durante varios meses ata finais da semana pasada.

En todo este proceso quedou patente a coherencia e a certeza do posicionamento,  mantido e defendido dende un principio,  do Bloque Nacionalista Galego de Moraña, así como, unha vez máis, a pésima xestión política  e administrativa que o PP fixo no actual curso coa Escola de Música. Cando menos, unha vez máis o noso traballo obtén resultados efectivos e positivos, desta volta de cara ao conxunto dos usuarios da Escola Municipal de Música.

Achegámosvos de novo a devandita moción que presentaramos naquel pleno de outubro:MOCION BNG COTAS MENSUAIS ESCOLA DE MUSICA-page-001 MOCION BNG COTAS MENSUAIS ESCOLA DE MUSICA-page-002

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.