1. Marcos Suárez Redondo

11147093_1078278305521455_7809430184172442275_nNacín na parroquia de Amil, pero actualmente vivo no Lugar de Mos, na parroquia de Saíans. Estou casado e teño 2 fillos. Son Enxeñeiro Agrónomo e Enxeñeiro Técnico en Industrias Agro alimentarias, e desenvolvo a miña actividade laboral na Xunta de Galicia.

Os compañeiros e compañeiras confiaron en mín para encabezar o proxecto político do BNG-Asembleas Abertas en Moraña, cuestión que asumo con ilusión, forza, compromiso e responsabilidade.
BNG-asembleas Abertas é a alternativa necesaria e certa para cambiar o rumbo de Moraña, porque depende de nós o ter un concello transparente, unha xestión pensando nas persoas e o ter políticas diferentes e transformadoras.
Para mín participar na candidatura do BNG-Asembleas Abertas é un orgullo, porque é o proxecto que defende as aspiracións futuras de Moraña e do noso país.
Moraña ten que fuxir con urxencia da política caciquil, da política populista e do amiguismo que se implantou polo goberno actual.

Traballarei cos compañeiros da candidatura do BNG-Asembleas Abertas para conseguir no noso Concello unha xestión responsable, diferente, alternativa e asentada na atención a todos os veciños e veciñas.
Creo na política participativa, no diálogo e nas cousas ben feitas. No BNG-AA temos un rumbo fixo para dirixir o futuro do noso pobo

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Web do Bloque Nacionalista Galego de Moraña